خربشات المساء
بقلم جيهان النجار
بحايل فكرة مجنونة
لا هي راضية ولا هادية
كأن الشعر جوايا
حروف مشغولة مش فاضية
وأنا بستنى نور الفجر
أجمع كل شطر وشطر
حروف صابحة كدة ونادية
وخالية من مبيد أو رش
حروف صحية مش للغش
حروف من بلدي وأصيلة
حروف ناعمة في عز الحر
وف برد الشتا تقيلة
حروفنا طويلة التيلة
يتهاتف عليها الخلق
وتكشف أورق اللعبة
وتهز شباك الغدر
وترقص العملة الصعبة
التعليقات مغلقة.