خزلتني
جيهان النجار
بأمارة ايه بتحط فوق قبره الورود
بعد ما مات كل اللى
كان واندفن
بعد ما قام العهد
يصرخ م الكفن
بعد ما اقسم فى الجواب انه على دين العهود
وانه كره كتر العتاب والظلم ودموع
الوعود
وانه مآمن بالرسول
واني المشاعر كات بتول
ورغم كل اللى انسمع
من حلو قول
المغرمين
وبرغم عذابات
السنين كنت معاك م
الصابرين
رغم الآهات
كنت أدعي ربي بالساعات
وقلبي بيردد آمين
يهدى لي قلبك
السجين
يخرج على نور العيون
واسقيه بروحي م الحنين
واعطيه أمل
رغم كل اللى اتعمل
كنت جوه القلب سري
كنت أصلي جوه حجري
كنت ارفع ايدي لربي فى ظلمة الليل الطويل
ترجع لقلبي كنت بيك
م المؤمنين
هنت عليك وخزلتني شمت فيا
الشامتين
عايز تعيد تانى القتيل
راح اللى راح
واتوأد احلي جنين
التعليقات مغلقة.