خطاوي المرحله
بقلم شيماء عادل
الدهر علم ع الجبين بالخربشه
والخربشه
ما سابتش فيا توب جديد
يصلح لساعه فرفشه
لميت خطاوي المرحله
سبقتني ميت خطوة لورا
كان نفسي الاقي جنتي
متخضره
يا سنين عجاف
ليني لقلبي وخضري
يا سنيني رافضه تزهري
الكل شافني ف ضحكتي
قافله عليا ١٠٠٠ باب
ما عذرش قلبي ولهفتي
ساعة ما مليت م العذاب
مكتوب على ورق السنين
الضحكه لو كانت بصوت
القلب ميت م الآنين
والصبر
نوع م الشخبطه
تشبه قلوب العاشقين
مداح ف حضرة حضرتك
انت السبيل للفرح لما بينتهي
شغف القلوب المغرمه
انت السما
وقت الندي
ما يشق قلب الطيبين
التعليقات مغلقة.