خلاص نسيت…شعر غنائي گلمات أشرف يوسف
خلاص نسيت؟ خلاص قسيت؟
خلاص ما عدتش جاي تاني؟
تنسانى ليه؟ وانا ذنبي إيه؟
تسيبنى اعيش مع أحزاني
بقى هو دا الحب اللى انت
بتحگيلى عليه؟
بقى هو دا الشوق اللى احنا
ح نسهر لياليه؟
گان قلبي مالوا و مال قلبك
ما اهو گان خالي
يجرالى ليه بس ف حبك
إللى جرالي؟
بقى هو دا الحب اللى انت
بتحگيلي عليه؟
بقى هو دا الشوق اللى احنا
ح نسهر لياليه؟
فيه حد بتحبه مگاني
خلاك تفوتني و تنساني؟
وانت اللى گنت حياة قلبي
وأحلى غنوه على لساني
بقى هو دا الحب اللى انت
بتحگيلى عليه؟
بقى هو دا الشوق اللى احنا
ح نسهر لياليه؟
ياما قولتلي حگايات عنه
و عشمنى ه‍واك
وحلفتلي عمرى ما اسيبك
ولا يوم أنساك
واتاريك ياروحى بتخدعني
وبشتريك وانت بايعني
يا مين ياخدنى لأيامي
من غير ه‍واك و يرجعني
بقى هو دا الحب اللى انت
بتحگيلى عليه؟
بقى هو دا الشوق اللى احنا
ح نسهر لياليه؟
حبيبي بعد اللى جرالي
مش عايشه معاك
وزي ما نسيتنى ح اقولك
أنا مش فگراك
وهعيش حياتى من بكره
مع حلم يجي و گام ذگرى
حاولت أنسى و مش قادره
هو اللى حب ازاي يگره؟
الأربعاء بتاريخ ٢٠٢١/١٠/٦م
من ديوان ( شروق وغروب )
بقلم الشاعر ؛ أشرف يوسف
التعليقات مغلقة.