خلاص هسكت بقلم.. د. عبدالهادى قنديل
خلاص هسكت ومش هكتــب .. ….ولا اتكلــــم
أنا لعبـــة بتتحـــرك وبتهــــزر … وبتسلـــــــــــم
بقول بابا .. بقول ماما .. بقول جـدو . وبتعلــــــم
ومات عندى شعورى خلاص وعمرى يوم ما هتألم
عشــان كلمة … هعادى الأهــل والخـــلان !!!!!!
خلاص آســـف .. ومــش قايــــل .. وانا غلطان
وكل كلامـــى فــى الماضــى ملــوش معنـــى
صدر منـــى فـى يــوم اســـود وانــا زهقــــــان
أنا مبسوط .. ومش مظلوم .. ولا مقهور ..
ولا بلطم .. ولا زعلان
ولو شفتوا الدموع فيــا .. وعينى غارقة بالميـــا
تباركولى عشان فرحان
التعليقات مغلقة.