خلص الكلام
بقلم/ أحمد بدوي العميد
لسَّاك بتضحك ف الوشوش
رغم الضياع رغم إن حبك .. ضحكتك حبة رتوش
على لوحة مرسومة بدموع من ألف عام
ألوانها مطفية بوجع .. وان الودع لو ينضرب ساعة السكوت …. هيقول كلام
لساك بتعلَى وجِنحك المكسور قوى … وبرغم قلبك مِكتوي
متشفش غير حب وسلام
هات الألم واعزف على أوتاره ١٠٠ غنوة ندم … ع اللي افتكرته ضهر ورجوله وعَلم
واكتب على كل القصايد كلمتين ؛ خلص الكلام
التعليقات مغلقة.