خلص الكلام بقلم اشرف الشناوى شاعر عاميه البرامون المنصوره
ولسه ايه
م الجرح شايله
يازمن
احنا اللى دايما
دمعنا كان
التمن
دوقنا الوجع
شوفنا الجراح
عيشنا
المحن
حبينا ناس
وادينا ليهم
عمرنا
وباعونا اول
مادناهم ضهرنا
ولا عمرهم
هيلاقوا
احسن مننا
ليه يازمن
دايما بتجرح
قلبنا
بكره اللى باعوا
يرجعوا
من كأس مرارهم
يشبعوا
يتمنوا لو لحظة
هنا م الذكريات
يتمنوا لو رجع
اللى فات
مش راح يلاقوا
غير جراح
والقلب م القسوه
اتقفل
خلص الكلام
وماعدش ليهم
عندنا
غير بس كام
سنين ندارى
فى جرحهم
علشان ننام
حرمونا حتى
فى حبهم حبة
سلام…………….
التعليقات مغلقة.