خلف الستار
بقلم جيهان النجار
خلف الستار
سيداتي آنساتي
مرحلة ويفطة وشعار
تقنعك ان الحمار
سيد الغابة الأمين
وان اسد الغابه أهطل
واتمسك جوه الكمين
أصله تاجر بالرقيق
والدقيق والدقيقة
حتى كان تاجر متين
بس أسمه مستعار
تتهزم فيك الحقيقة
مين أسد ومين حمار
والتبرج يبقي قادر ع التنافس والشجار
والغواني ف الجزيرة
أصبحوا للنخوة دار
عقلي طار
ممنوعين كل العبيد
تتحشر جوه الحوار
كله داير بس فاير
تحت أعقاب الستار
واللي يفهم منا حاجة
يدبحوه ويعلقوه
يهتفوا مات الحمار
اصله لجل الحق حاول يكتشف خلف الستار
التعليقات مغلقة.