خليك دايما كده متفائل…كلمات محمد كسبه
بص لبكره بعيون واسعه
و افتح قلبك واملاه فرحه
خليك دايما كده متفائل
و ارسم لينا أجمل ضحكة
ازمة و هتعدي و ننساها
و الخير بكرة هيجي وراها
و بمصر بلدنا هنتباهي
و خليك دايما كده متفائل
في عز الازمة جمد قلبك
و ارفع ايدك ادعي لربك
شوف كام غمة انزاحت عنك
و خليك دايما كده متفائل
كل الازمات بتعدي مراحل
باقي الخير و الشر أهو راحل
و كل أما بتشتد الأزمة
عامل الناس بالذوق و الرحمة
و خليك دايما كده متفائل
بكره بلدنا هتصبح جنة
و هنول أكتر ما بنتمني
و هنعيش بالفرحة و يرتاح بالنا
و خليك دايما كده متفائل
التعليقات مغلقة.