خليك فَعَّال شعر…بهاء اللبودي

إزاي حتسيطر على قلبك
وسط الأمواج
الفتنة دي بحر أما بيغضب
ملهوش أحباب !
وإزاي حتسيطر على عقلك
عَند الإزعاج
الفكرة دي فص أما بيهرب
بيسُك الباب !
..
فإلزم أورادك في معادها
من غير تأجيل
واتوضى بروحك طهرها
من كل رزيل
اخشع في صلاتك تَمِّمّْهَا
وبقلب ذليل
تطلب م المولى يعدلها
ويشد الحيل
..
اتكلم عن رب العزة
قدر الإمكان
الدعوة دي مركب لنجاتنا
من كل هوان
استن بسُنة قدوتنا
أقوال وافعال
واكرم مساكينّا وضُعفائنا
خليك فعّال
..
اتعلم قرآن حَفّظْنَا
كل الأجزاء
علمنا إزاي يبقى طعامنا
محكوم بآداب
أو قِيم الليل ويّا النجمة
تسبيح ودُعاء
يصلح ربنا حال أمتنا
يجعلها شباب

بهاءاللبودى