خلينى اعيش قصيدة لشاعر عاميه البرامون المنصوره اشرف الشناوى
بصراحه انا
مش لاقى
مساحه
غير بس
لحبك وعيونك
فازاى بالله
بس قوليلى
ازاى راح يقدر
ويخونك
دا وشوش الخلق
اللى باشوفها
هى ملامحك
انا كل ماعاتبك
بالقانى وبالغصب
باسامحك
معقوله مفيش
غيرك يجرح
والروح تسبقنى
وبتصالحك
مبلاش العند
انا مش قدك
ازاى راح اعيش
انا من بعدك
وغرامى بياكل
احلامى
خلينى اعيش
بس فى ضلك
وارتاح من قسوة
ايامى
انا كل مافتش
جوايا
بالقاكى واقول
بس كفايه
احساسى بحبك
وسلامى
بصراحه انا
مش لاقى مساحه
اهرب من قلبى
اشوف روحى
جوايا بتطلع
بالراحه
وحياة الشوق
اللى واخدنى
لعيونك حالف
لايسيبنى
يرمينى فى بحرك
ويجيبنى
بصراحه انا
مش لاقى
مساحه
غير حضنك
هوا اللى عاجبنى ……………
التعليقات مغلقة.