خيوط الفجر بقلم أحمد إبراهيم النجار
لملم كل خيوط الفجر
واجمع كل ربيع الورد
واكسر كل جدار الصمت
اوعاك تيأس او هتمل
كل خيوط الفجر قريبه
مد ايديك وأمسك قلمك
وارسم بكرة بالف خريطه
ارمي الجرح بكل طريقه
احرق ماضي فات بضريبه
كانت صعبة في ثانيه دقيقيه
كانت برد في ليله رديئه
كل غيوم الليل هيعدّي
كل جراح الأمس ورايه
راجع فجري ليا يهدّي
وانا مشتاق اوصل لنهاية
بحرك نورك شطك سورك
هرمك برجك حلمي ف حلمك
قدري ف قدرك نورك شمسي
وفجر خضارك لوني الأمحي
ودمي العسلي بيرسم ليكي
شمس نهارك
كل عيون الكون بتشوفك
ملكة في عز عجاف دي سنينك
يصرخ ليلك يسكن نيلك
بين شطينيك
وردك عطرك مدنك ريفك
كل جمال الورد ف توبك
خدك عينك رمشك لونك
رغم دموعك كل همومك
فيكي بتسكن
ضوء الخافت نور انديلك
فوق أحلام الحلم الساكن
جوة ف قلبي ليكي اميرتي
هعيشلك فارس
شط بحورك كل حدودك
رغم دموعك رغم سكوتك
لسه بنادي وامد ايادي
والمس شعرك والمس توبك
نغمه وطالعه
وطبله بصوت مزمارى البلدي
عشتي يا بلدي بكل ما فيكي
قمرك شمسك نيلك ارضك
شطك بحرك سحرك وردك
عشتي اميرتي
لملم كل خيوط الفجر
واجمع كل ربيع الورد
واكسر كل جدار الصمت
اوعاك تيأس او هتمل
كل خيوط الفجر قريبه
مد ايديك وأمسك قلمك
وارسم بكرة بالف خريطه
ارمي الجرح بكل طريقه
وعشتي يا بلدي
بقلم الشاعر المصري/ احمد ابراهيم النجار
التعليقات مغلقة.