خيوط دايبه بقلم الشاعر ابو شمس سالم.
يادوب بسمه وكام كلمه.
خيوط دايبه بنو حكايه.
خيال عشته وضيعني.
وليل طوّل ماله نهايه.
ياريت ماكنت حبيته.
ولا بالوهم صدقته.
ساكن بروحي جوايه
ياريت ما كنت سَكِنتُه.
مرار البُعد عذبني.
نسيت نفسي ولانسيته.
وصبّر نفسي برجوعه.
وفات صبري ولا لقيته.
يادوب بسمه وكام كلمه.
خيوط دايبه بنو حكايه.
دلوني يا أهل الهوى.
محروم ودايب في الغياب.
كان حلم كان طب ودوا.
كان شهد مكتوب بالعذاب.
فاكر ياقلبي لما قال.
بحُبنا نطول السحاب.
كان كله وهم وكان خيال.
تقدر تقول عنه مُحال.
قالي بحبك ياما قال.
ياريته بيها ماكان لي قال.
وعدني بالحب وهجر.
غدار ومن قلبي غدر.
إياك ياقلبي تصدقه.
وتعيش في وهم وتنتظر.
من بعد جرحك في الهوى.
عن حبه لازم تعتذر.
(شعر غنائي)
التعليقات مغلقة.