دا بُعدك ألف بُعد وبُعد
سيدة القصاص
مفكر يوم ها
تخرسني؟
وتكسر سِن
أقلامي؟؟؟
دا بُعدك ألف
بُعد وبعُد
دا …حرفي
كل أحلامي
شهيقى اللي
باشده
حروف
زفيري اللي ف
صدري بيان
ولو ها تخلَّي
عن قلمي
هااعيش قلبي
عليل تعبان
فكسَّر لي..
حجارة اللوم
وسيبني….
أحقق الأحلام
ولا تقارن ….
ولا تحارن
ولا تشتل
فسايل خوف
ماهو لو تعرف..
الإبداع
ملازمني….
كما زولي
بتسمع ليه كلام
لانطاع
وترضي عدوي
وعزولي؟؟
ف شُغلي حرة
وجريئة
في بيتي….
شاطرة وبريئة
وابداعي نغم
كروان
حبسني
مجتمعنا كتير
بكت أيامي….
م التأثير
فكنت الآمر
الناهي
وكنت الجارية
وأنت أمير
كفاية …افتحلي
يللا بيبان
أشم الدنيا ….
من نِفسي
أحرر نَفسي …
من يأسي
وخد إيدي
لقمرة هناك
أكون نجمة….
تلالي معاك
وانوّر أرض …
عتمانة
في حبك روحي
عشْمانة
ما تكسرش…
بخاطري كمان
ويللا …..
نذوَّق القمرة…
ونسهر فيها….
يوم سهرة
قوم ازرع فيا
كام زهرة
ونرجع…
تاني زي زمااان.
.
التعليقات مغلقة.