درويش …
الشاعر الثائر الحمايدة
درويش انا داير
فالبلاد درويش
لابس انا قفطان
مرقوع واكلبه عيش
وكل رقعه فيه
تحكى عن الحرافيش
باكل سعات مالارض
وسعات تقولى مفيش
وانام عليها سعات
وتحت منى خيش
وفوق رقبتى خرز
وحاجات مبتساويش
واصرخ واقول يارب
امانه متسبنيش
واقول عالباشا كلب
ايوه مانا درويش
بهلول فارض الله
اشتم وميلومنيش
وعيال تقول ياعبيط
واجرى ولايطولنيش
وارقص انا فالذكر
وحياتى متساويش
ايوه انا بهلول
لكنى انا مابخفش
لا كنت يوم مع دول
ولا بوست ايد الجحش
وشوفت خلق كتير
تظلم ولا ترحمش
احسن اكون بهلول
والارض دى ملكى
ولا اكنشى يوم دلدول
لحد يملكنى
ويقولى اطلع يوم
وابيع فدم ابنى
ايوه انا درويش
والارض دى ملكى
التعليقات مغلقة.