دعوة للتصالح مع النفس…جيجي حافظ
قال تعالى :
“وعسى أن تكرهوا شيئاً وهو خير لكم “
صدقت يا ارحم الراحمين
اد ايه الايه دى مسكنة لما نمر به من ابتلاء (فيرس كورونا)الذى نراه سيئا ويملأ قلوبنا الرعب والفزع والخوف من المجهول…..يالها من نظرة محدودة وتشاؤمية لبعض الافراد……،دنيا غريبة ،وحال أغرب ،ونفسيات مدمرة..ونسينا تماما ان رب الخير لا يأتى إلا بالخير. ….لعلها المنجية باستغلالها الاستغلال الأمثل
تعالوا ننظرالى هذا الابتلاء على أنه وقفة مع النفس ….وترتيب أولوياتنا. …وتوضيح أهمها. ….لماذا لا ننظرالى هذه الفترة على انها فترة نقاهه من عناء الحياة
الدنيا خدتنا واحنا روحنا معاها للسعى وراء لقمة العيش….ونسينا حاجات كتير اوى مهمة فى حياتنا …لعل هذه الفترة تكون البداية …. ونبدأ بالاهتمام بأنفسنا (روحيا ،وداخليا، وخارجيا،و…..)
أولا لماذا لم نستغل هذه الفترة فى التقرب من خالقنا سواء قيام الليل أو ورد يومى من القرآن أو ادعيه أو صيام أو التفقة فى تفسير بعض ايات القرآن أو الاستغفار أو . ….الخ
ثانيالماذا لم نهتم بولادنا ونحاول نقرب منهم ونفهم أفكارهم ونعدل سلوكهم ونحاول تصحيح ما افسدته الشوشيال ميديا…ليه ما نلعبش مع ولادنا…كبرنا خلاص، طب نهزر معاهم ونحسسهم بحناننا وحبنا ليهم…..
ثالثايلا نقرب من اهلينا(من صلة رحمنا) مش لازم بالتجمع يكفى بالسؤال يوميا على أقرب الناس لينا ومعرفة أخبارهم
رابعاحاول التقرب من شريك حياتك والتغاضى عن السلبيات وخلق أوقات لطيفة تجمع بين الأسرة بأكملها .
خامساحاول ان تساعد غيرك بكلمة طيبة أو علم نافع أو عمل مفيد أو صدقة أو. …
مع كل ما سبق لابد أن تستمتع بالوقت…..اعمل اللى كان نفسك تعمله بس زحمة اليوم كانت بتمنعك (كان نفسك تنام لحد ما تشبع نوم…جت الفرصة علشان تنام….
فى منا عنده مواهب كانت مدفونة من ضغط الشغل والحياة يلا طلعها ونميها(قراءةكتابةرسمطبخ….
دعوة للتصالح مع النفس
انت عارف لو عملت كل النقاط السابقة هتحس انك جددت نفسك…
اياك والاستسلام لليأس والملل،انت اللى بتخلق لنفسك وقت الفراغ …
طيب هو احنا ليه بنحب شهر رمضان ونزعل اوووى انه شهر واحد وبيخلص بسرعة ،علشان شهر عبادة وقرآن وصلاة …وشهر بنتجمع فيه مع عيلتك على الفطار والسحور. ..وشهر بنقرب من أصحابنا واصدقائنا واهلنا ….
ربنا كرر لينا الشهر ده ليه ما تستغلهوش . …
يلا غيروا نظرتكم….الأيام دى نعمة من ربنا لازم نستثمرها صح. …..بدلا ما نبكى عليه يوما ما مثلما بكينا على الأيام الماضية
احمدوا ربنا أن اولادكم فى حضنكم بصحة وعافية ،،ادامها الله عليكم وعلينا نعمة
يارب احمى أولادنا واحبابنا واهلنا وبلادنا من كل شر
التعليقات مغلقة.