دكتور نفسك بقلم احمد زيدان البلياتشو
الشمس الرايحه
ما بتنامشِ
بتبات سهرانه لآخر الليل
تعكس ضحكايه
ما أُقولكشِ
تسهر و تصاحب كل جميل
الورد الميت وسط كتاب
من بعد غياب
بتدب الذكري ف قلبه حياه
بيعيش تاني
وسط الكراكيب
لحظة !
ما بتقرأ جواب صدفه
بيكون مرمي علي ضهر دولاب
الغايب غاب
علشان يرجعلك لون ذكري
و يعيش مستقبل مش وياك
مع أنك عايش على ذكراه
و غياب بيسبب جرح كبير
و كتير اختاروا يفارقونا
گ رفيق عمرك
و الحب الاول و الاخر
ك صديق التخته في سنه أولي
حب الفطره
ترجع و تعيش جوا طفوله
تلقي الاحاسيس المثاليه
حلقات موصوله في افكارك
مثلا مثلا !
في حاجات جوانا بتتكلم
بترجع فينا الماضي حياه
اصوات و حاجات
و كلام ياما
الجرامافون
جرس التليفون
بمجرد ما تفكر ف الصوت
ترتاح وقتي
و كان الماضي علاج نفسي
و كأنك مديون للذكري
بحاجات ياما
ف الشمس الغايبه مابتغيبشِ
و الورد الميت مش ميت
و الذكري حياه داخل روحنا
بمجرد تفكيرك فيها
بتعالج نفسك من نفسك
و تشوفك بمرآيا جديده
سهره سعيده
التعليقات مغلقة.