دليل براءة شعر / وحيد علي الجمال
و رغم إن الحقيقة تبان
بإن الحكم كان واضح
براءتك كان دليلها ضعيف
ومبنيه على باطل
سكوتك و الدفوع خدموك
و تصويرك ضحية هناك مع الحلفان
و تمثيلك دليل فاضح
ومهما تعيد ومهما تزيد
أنا رافض تبرر لحظة الخذلان
و إن الجرح كان نازف
مانيش طاعن بأي طعون
و لا ناقض عليه تاني
ولا مقدم و لا استئناف
أنا عاوزه كدا نهائي
و بعد البعد جاي تبكي
و تشرب مية الغفران
كأن الهجر و النسيان
شعار مكتوب على بابك
و إن الغدر شيء عادي
أنا بجد أنا في حيره
مشاعري بعتها رخيصة
وافقت ادخل بقى سجنك
و انفذ وعدي وشروطك
و كان أملي أداوي القلب بوجودك
لقيتك زيف سرابه مخيف
فزلزل كل أركاني
و طبعي و كل احساسي
ماهيش طبعك و لا لونك
راجع بتقول تعالى نكون
برغم الكون
نعوض عمرنا المسروق
ونبني الجنه بشروطك
حاولت بجد مش قادر
و نار وهمك عايشها معاك
هتيجي مره و تخونك
أنا لسه على حبك
أنا بحبك أنا كافر
التعليقات مغلقة.