دمعة حلوة
بـ قلم/ أسـمـاء الـبـيـطـار
و نزلت على لساني طعم دمعة حلوة
من زمااان ما دُوقتهاش
ما تصدقش إن طعم الدمع واحد
زي ما قالوا زمان
نزعل نبكي و نفرح نبكي
البكي دا طعمه ألوان
لكن دمعة الفرح ليها طعم تاني
فيها حاجة حلوة
بتخلي القلب طاير بجناحين
بيطوف بيهم على دروب الحزن
و يمسح على جبين الصبر
بدمعة كحلت العين
بعد ما غاب الفرح عنها
بقى يتنطط فيها زي طفل
قام ووقف على رجليه
و قال يا هااادي
بدأنا أول الخطاوي
بدمعة حلوة ليها طعم تاني
/ مُجرد خاطرة /
التعليقات مغلقة.