دمعة فرح
جمال زكي عينر
فرقوا حرقة دموعكوا ع الشوارع
خلوها تروي الأرض وتفيض ع المزارع
يمكن تخلى ربيعنا يطلع فى الخريف
او تبقى شعلة للمكن جوه المصانع
فرقوا الدمع اللى سايل ع الخدود
ودعوا حزن واسى فاق الحدود
يمكن نبدل حزننا فرح وهنا
يمكن نبدل ياسنا زهر وورود
امسحوا الدمع ف عينيكوا دمعه دمعه
مش عايز المح جوه عين ولا دمعه لامعه
نفسي نبدل بالدموع بسمة وضحكة
والدنيا تبقى لفرحنا شاهده وسامعه
خلينا ننعم بالسعادة كلنا
ونودع الدمع ف عينينا وحزننا
ونعيش باقيت العمر ايامنا ربيع
وبدال ما نبدر دمع نقطف فرحنا
بقلمي الشاعر جمال زكي عينر
التعليقات مغلقة.