دموع الحر…حسن أبو عرب
وليه ايأس مدَام الحِلم قُدامي
حقيقه فى عِز أحلامي
ولو ليلك صبح دامي
معايا ربنا الحامي
إله العرش والملكوت
ولو يادنيا هتأَلِّم
مدام باغلط وباتعلم
منيش هيأس ولا استسلم
لأني مُصِر ومصمم
ليالى العتمه اخطِيها
واعدي أزمتي وأفوت
فليه بنوالي للظالم
وسيف العدل بقى تالِم
وناس بلا ذنب ليه بتموت
نسينا أصلنا خالص
وكل كلامنا بقى ناقص
وطال الليل فصار دامس
وخيط الفجر مش باصص
وانا قلبي لسه حزين
يادمعة المساكين
قطعُوا الزَّتُون والتين
والتُوت فاتُوه بيمُوت
مِن ورَقُه غَزَلُوا الكفَن
من خشَبُوا صنعُوا تابوت
وانا اللي جَد الجَد
واقُف هِنا ع الخَد
ياغزه كارُه الهَد
ولا عُمرِي باظلِم حَد
لَا كَهنَه يوم وصاحِبت
أو كنت يوم كهَنُوت
ياعُمْر لو هَتمُر
ويصِيبنِّي فيك الضُر
فَلَك يارب الأمر
نجيت نبِيك بخيوط
باض الحمام ع الغار
وابو بكر كان محتار
قلقان على المختار
للدعوه بعده تموت
رغم الخطر كامن
كان النبي آمن
واثق فى نصر الله
وف شدته وياه
حفظ النبي يونس
قبله فى بطن الحوت
غاليَه دموع الحُر
بين الألام والقهر
لو يوم سقُوه المُر
زاده الايمان والصبر
ليه الجزع واليأس
دا أكيد وبعد العسر
لابد يجي اليسر
وتنهزم ياطاغوت
ترفع رايات النصر
فرسان حريصه ع الموت
ميهمهاش جبروت
سلاحها دعوة ليل
او ركعتين لقنوت
التعليقات مغلقة.