دموع النّخْل …
أيمن رضوان
دموع النّخْل
……………………….
يانخـــل
بلحك راح فين
وفين هيَّ دي الطــرايح
يااااك مهموم وحــــزين
وقلبك مليان جـــــرايح
ع اللي راح
بتبكي وِاتْنُوحْ
صعيب يا فراق ل حْباب
من يومها وانت مجروح
اتاري الطرح منك غاب
بجهلنا
قلنا النخل عجَّزْ
وماله دا عيشه تانــــي
طالع النخل سيفه جهَّز
اتاري للقدر تصريف تاني
بقُلّك
حاسب من الشوك
حارس واقف بحـربات
اسمعني دول غشـــوك
لمّا قالو النخل مــــات
راكــــب
وع الشر ناوي
قاصد يعـــــــطب قلوب
قلب النخل بَيَّنْ حكاوي
دمــــعه نازل كسرسوب
قله مالك
بتبكي واتنوح
والطرح منك ليه غايب
رد قلبي جرحه مفتوح
من يوم مغابو الحبايب
اتاري
النـــــــخل عشقان
وقلبه مغـــــــــرم صبابه
عليه الهم ظــــــــهر بان
لم ا لحـــزن قرب وصابَهْ
كان لِيهْ
حــــــبيب غالي
يراعيه عليه سهـــــــران
وكان م الهم خـــــــــالي
كان زينة البســـــــــتان
غَدْر الزمان
بيه حــــوَّطْ
حرمــــــــــه من الغاليين
وما حد عليه شــــــوَّط
بقاله شهـــــــــور وسنين
عمــــــره
دا ولّا وراح
ما بين بكا وأنيــــــــــن
زايده فقلبه الجـــــراح
والْلي هيعطــــف مين
وحداني
بدري شال الهم
م الحزن قلبه مخـــــالي
(لا خال ليه ولا عـــــم)
عنه يحوش جور الليالي
……………. أيمن رضوان
التعليقات مغلقة.