دموع امة…بقلم أحمد إبراهيم النجار
تسوى ايه؟
لما تسجد كا العبيد
تبقي عبد وهوّ سيِد
تبقي ألة بطش غدرة
تبقى ليهم بس أيد
تسوى ايه؟
لما تفتي ف يوم فى دين
بس دينك مش لربك
كفر واضح فيه وزيد
المناصب ليها ناس
قلبهم أصبح حديد
والعراق دي مش بعيد
قالوا فيها سلاح دمار
واللى ايّدهم حمار
سرقوا خير النفط فيها
وقالوا ده مقابل طعام
عملوا فتنة شيعة سنه
وكله ف (العهد القديم )
قتل مكر وسرقه نهب
م الفرات لنهر نيل
وكله فى (العهد القديم )
اصحي فوق يا عربي منهم
واوعي يوم تركع لسيدهم
ده الصهاينة مجرمين
واللى قرب بالمحبه
حبه حبه
وعشقهم ده من سنين
واسألوا بحر البقر
واسألوا صبرا وشاتيلا
ودير ياسين
واسألوا غزة الأبيه
واسالوا كل الحمير
ليه بتركع للحثاله؟
والنداله ف طبع ناس
مش عرب متصهينين
باعوا أرض بشعب صامد
تحيا تحيا فلسطين
يحيا شعب سوري صابر
ع الحصار واحتلال
الفرس سارق من اثارها
واحتلال الروسي قاطف
من ثمارها
واللى قاتل من شبابها
واللى كاسر يوم في بابها
واللى قاصف في ترابها
واللى واكل يوم شاورما
اللى جوّع شعبها
اه واه
على أرض ليبيا ونفطها
اللى أصبح للغيلان
واللى فرّق شعبها
واللى دمّر ف السودان
واللى سارق حلمها
اه واه
من ليل طويل
كاسي امه بأثرها
من حصار والدمار وانهيار
أجمل تاريخ من مجدها
تحيا كل شعوب عروبتي
من خليجها لنهرها
ويحيا كل شعب رافض
انكسار او خضوع
اوسجود او ركوع
امة ساجده لربها
والكرامة والصمود
في صلاح الدين جديد
احنا أمة
أقوى أقوى م الحديد
إحنا أحفاد العروبه
إحنا أسياد مش عبيد
إحنا صُناع البطوله
احنا خالد بن الوليد
بقلم الشاعر المصري
أحمد إبراهيم النجار
التعليقات مغلقة.