دندنة مع ثومة “فكروني”
بقلمي/مدحت رياض
كلمووووني تاااني عنك
وعن ظنك
وعن كلمة وداع تتقال
كمان منك
وعن بعدك بدون اسباب
ونتعامل كما الاغراب
مفيش منك معاد تاني
عشان خايف يكون فيه
عتاب
————-
فكرووووووني
ومين قال ان انا ناسية
مغبتش مرة من ع البال
واقول هنسي كلام يتقال
انا غنوة بدايتها معاك موال
———–
صحوا نار الشوق في قلبي
ولا غلبي
ولا لما الناس بتضحك م الشماتة
ولا عينك لما تبعد وببساطة
————–
كلمتين اتقالوا
شالوا الصبر مني
ولا يمكن غصب عني
منك انت البعد اصلا
ولا مني
من بعادك حاسة اني
السهاد صاحب عيوني
……………
هبقي ظالمة
لما اقولك فكروني
موش بايدهم
خلوا حبك ويا قلبك
يسكنوني
حتي لما الناس لاموني
قصدهم كان يبعدوني
—————
وافتكرت فرحت وياك
اد ايه
طب بعادنا قولي ليه
اما قلبي يدوب في قلبك
يبقي تيجي ازاي عليه
—————-
بعد ما اتعودت بعدك
كدب مني
كل بعد ما بيننا اصلا
غصب عني
بعد ما نسيت الاماني
وكات في حضني
غبت فجاة وقلبي قال
انك نسيتني
اعذر الافكار في قلبي
والدموع اللي في عيوني
اصل ثوما جنب مني
وكنت بسمع فكروني
————–
كل كلمة منها احنا
خوف في قلبك
او شجوني
او عيونك لما انادي
كنت خايف يسمعوني
————–
وابتدي قلبي يدوبني
ومين قال انه هيسيبني
ما طول الوقت بيعاتب
ويتعبني
—————
واسهر اسمع نبض قلبي
بيناديك
هو اصلا ساب ضلوعي
وراح عليك
لما اشوف الناس بعيني
ببقي حاساهم عينيك
بس قولي ليه عيونك
يسكنوني
كل مرة لما بسمع
فكروني
التعليقات مغلقة.