دندنة مع ثومة-2 “حسيبك للزمن “
بقلم مدحت رياض
عمدًا حسيبك للزمن
تدفع تمن
كل اللي فات
سهوًا سقطت من الحساب
والذكريات
للزمن دايمًا حالات
كل ما بيدور يقلب
في الدفاتر والحاجات
الزمن هيدوقك
طعم السكات
وأما بلقي النبض فجاة
من برودك تاه ومات
وأما بالهجران وصدك
بعت كل الامنيات
إبكي موش هسأل عليك
ولا فاكر يوم هصدق
دمعة تنزل من عنيك
زي ثوما جيت بقولك
دارت الايام عليك
الزمن هيدوقك في البعد ناري
هي قصة هو تارك ولا تاري؟؟
ولا مين بيِّن مشاعره
اما كان قلبك مداري
واما كنت اتمني لحظة
شمسك انت تزور نهاري
كل هجر وكل ليل
سهرتهولي
كل جرح وعدت قلبي
تنسيهولي
قولي تقدر عمري تاني
تردهولي؟؟
ولا لو حبك في قلبي
مات في لحظة
تصحيهولي
والزمن عنده الحساب
هيصفيهولي
والبداية دموع وآهة
وكسر قلبك وراهولي
للزمن دايما عادات
لما تنسى تلاقي فجأة
فكرك لو جرح مات
بالميزان بيوفي دايما
حتى بيزود ساعات
أيوة بيزود ساعات
التعليقات مغلقة.