دولا رجالتنا بقلم الشاعر أشرف يوسف
شعر ساخر
دولا رجالتنا اللى فى يوم
حيشيلوا بإيديهم سلاح
ويدافعوا عن أرض الوطن
و يرجعوا الأمل اللى راح
دولا اللى قال عنهم نجيب
وجمال ومن بعده السادات
هيدافعوا عن أرض الوطن
بالآر بى چى و الدبابات
قول يازمان قول يا تاريخ
رجعنا تاني للنضال
سيبك من الجيل اللى فات
و اتفرج اليوم عالرجال!!!
گسروا الخجل و لا فيه
گسوف
وف شعرهم رسموا الحروف
بسمله داسين عالمحن
فى الدنيا ولا أجدع خروف
إللى بيرسم حرف ( تي )
واللى عامللى حرف (واي )
إشهد و أييد يا تاريخ
ودا يبقى إيه؟ ياما لسه
جاي!!!
بالنسبه ليهم نبقى إيه؟
ما احنا اللى عاملين مشگله
گان عيبه إيه مضغ اللبان
أو لو لبسنا سلسله؟!!!
و نحط ورده ف شعرنا
و إيشارب ينزل عالگتاف
و اللى يقول لينا سلام
نقوله بالإيتيگيت عواف
و احنا اللى نبقي غلطانين
لو گنا ميت مستغربين
ما تيجوا بينا نموت سوا
و هما ياخدولهم يومين
و بدال ما نظلمهم نكون
فى الدنيا إحنا المظلومين
الأحد بتاريخ ٢٠٢١/١١/٢١م
التعليقات مغلقة.