دي حكاية مدرستنا أغنية للأطفال كلمات الشاعر /أشرف يوسف علي
الحصه الأولي العربي
والتانيه حساب ودين
وعشان الفسحه فرحه
هنشبك الإيدين
وح نضرب الجرس
ننزل أرض الطابور
وح نمشي للأمام
ونقول للخلف دور
وح ندخل الفصول
بالعقل و بالأصول
من غير ما نشد بعض
ونزعل دول ودول
والأبله تقول قيام
بعديها تقول جلوس
عنوان الدرس تكتب
في درس من الدروس
تشرح وتقول فهمتوا ؟
نقول فاهمين يا أبله
وطريقتك حبيناها
كدا من أول مقابله
وف درس من الدروس
بعد ما قالت جلوس
فتحت لينا الكتاب
علي نص من النصوص
وف آخر الدرس فجأه
ضربوا الجرس آوام
وقالولنا خلاص نروح
وننزل بانتظام
دي حكاية مدرستنا
وكتابنا وكراستنا
والأبله الشاطره إللي
بذكائها أسستنا
ياحلاوة مدرستنا
ياحلاوة مدرستنا
التعليقات مغلقة.