ذكريات…
أشرف يوسف
ذكريات
شعر غنائيگلمات : أشرف يوسف
أنا ليا وياك ذكريات
وحاجات لا يمكن تِتنَسَي
وگلام وحب وشوق جميل
خَلُّوني بيك متونسه
فاكر زمان أول لُقَا
ياحبيبي وعنيا ف عنيك؟!!!
وانا وانت دايبين وقتها
من شوقنا و إيديا ف إيديك
راح فين حبيبي كل دا
تفارقني بس ازاي وليه؟!!!
وتفوتني ليه من غير سبب
و انا كنت بس عملت ايه؟!!!
مظلومه و انت ظلمتني
أگتر ياروح قلبي ف هواك
بتسيبني ليه و انا روحي
فيك
دايما وعايزه أعيش معاك؟!!!
حِسّ بعذابي ف غربتك
و تعالي نبدأ من جديد
ما تغيبش عني ولو ساعات
و تخلي نار الشوق تقيد
دا انا لسه فاگره ضحكتك
وكلامي وياك في الغرام
يا حبيبي إرجع مش گدا
وتعالي ما تسيبنيش حرام
الخميس بتاريخ ٢٠٢٢/٢/١٧م
بقلم الشاعر : أشرف يوسف
من ديوان : كلام في الحب
التعليقات مغلقة.