ذوات النصب شعر /وحيدعلى الجمال
على قد الوجع إبكي
بس اوعى تزيد
ومهما تعيد في أحزانك
وتاخد الليل في أحضانك
وتحلف إن أغصانك مهيش طارحه
ولا فاتحه لحُب جديد
وتصرخ أن دا تهديد
انا قلبي اللي كان نابض في شريانك
وكان شايل جبل راسخ بأوهامك
صبح خردة معادش حديد
هواك ممنوع وبالتحديد
يمس دموع كانت بينا
ويرمي اللوم على حالنا
بنيت بالرمل أحلامك
وغار الموج فشال كومك
حروف حبك مع صومك
تبرر فى الهوى خوفك
فتكسر حرف م الحرفين
وتكتبلك قصيدة تنام على الجنبين
بمعنى كبير مهوش مفهوم
مهوش مسموم
بشوفك في الوجع حاوي
واشوفك فى الوجع مجنون
حروف علة مربوطة بحرف النون
برغم الشدة والتنوين
بنادي عليك مع التسكين
انا ماضي مهوش مجهول
وهات شاهد يقول مقتول
يكون معروف مهوش محذوف
وعقل كبير مهوش مشطوف
مهوش مكتوف انا مخطوف
وسري هناك مع مظروف
رسائل حب بهتانه في قلب الخوف
انا واضح منيش مكسوف
انا دمعي بقى مسفوف
دليلك فيك بقى معروف
هتتسجل وتتقيد.. بناقص حرف
انا فاعل وممنوع الكلام م الصرف
ووقت الموت بكون مفعول
وبتقلب كدا بالحرف
هتتاخد وتتاخر وتبقى من ذوات النصب
تكون أشكيف تكون حريف
وتبقى نضيف مهوش فارق
ومكتوب ف الورق سارق
فودع حظك المنحوس
ما دمت في لحظة هتفارق
انا جملة في قلب كتاب
مهوش معروف ولا فارق
التعليقات مغلقة.