راح الزمن الجميل…وبليغ وحبيبتي وردة گلمات أشرف يوسف
راح الزمن الجميل
الموجي و الطويل
وبليغ و حبيبتي ورده
زمن الطرب الأصيل
عبد الوهاب حبيبنا
والسنباطي ف قلوبنا
ونجاة بتغنى غنوه
وتقول حبايبنا دوبنا
وفريد و وديع وشاديه
وصباح وحليم وسومه
بيغنوا بگل شوقهم
ومش عايزين عزومه
ونجاح سلام و هاني
دايبين ويا الأغاني
وسلطان ويا فايزه
صوتهم بالشوق نداني
وقنديل ويا رشدي
ومكاوي تالتهم
والعزبي و القصبجي
أگدب لو اقول نسيتهم
گان حلم و فى الحقيقة
عيشناه بقلوب بريئه
ياريت الحلم يرجع
من تانى و لو دقيقه
الإثنين بتاريخ ٢٠٢١/١٠/٢٥م
بقلم الشاعر ؛ أشرف يوسف
من ديوان ( شاعر ومشاعر )
التعليقات مغلقة.