راح تكمل الصورة…شعر أشرف الشناوي

قافل على ايدى
لو لسه فيه عندك
حبة وجع جيبى
قلبى خلاص ملك
مل الهوى فيكى
ازاى هايوصلك
او حتى يرضيكى
ماتسيبى لو ضحكه
يضحكها من جوا
العشق مش عافيه
والحب مش قوه
ليه بس ترمينى
وتقولى دا صينى
باعملك اللا لى
وابلع بلا همى
عمرى ومتغمى
داير انا فى ساقيه
اسقيلك الباير
واطحنلك الغله
توبى ومترقع
طافح انا كيلى
واهذلك ديلى
تدينى لو لقمه
الاقيكى بالذوخمه
تدينى فوق راسى
ارجع انا لكاسى
واشرب كدا الحنضل
واحلم بيوم تانى
القاكى حضنانى
ارمى الوجع واجرى
وارسملك الصوره
زى اللى فى دماغى
لو شيلتى اوجاعى
هاديلك الباقى
من عمرى لو حتى
فاضل يادوب حته
واسقيلك التوته
وافرشلك السكه
بس انتى شدينى
م القبر والعتمه
راح تكمل الصوره
وتحسى بالرسمه
راح تكمل الصوره
وتحسى بالرسمه