رايحة هناك بكرا…بقلم. عبير عبدالمنعم
لو بس يوم الذكريات
تفارقني فيها كتير حاجات
هقدر اعيش ويا اللي جاي
انسى اللي عدا واللي كان
والقالي فيك كمان مكان
يادنيا هان فيك اللي هان
واللي مهانش
مسيره يوم
بايديكي تسقيه الهوان
الناس خلاص مبقتش ناس
بقت الكآبه خلاص أساس
والضحك فيك بالمقاس
والفرح تابلوه من ازاز
ودموعنا مالحه ومش لذاذ
أما اللي جنبك دول وحوش
لابسين قناع
لابسين وشوش
انا مت قهر ومن سكات
لو بس يوم الذكريات
تفارقني
وانسى كتير حجات
يمكن اكمل يوم وجاي
واڨول لحزني سنيني باي
انا رايحه هناك بكرا
التعليقات مغلقة.