ربنا يديم الأونطة كلمات : محمد كسبه
ضحكة صفرا و قلب باهت
و النفوس من بعض شالت
گأننا بندن في مالطة
و المحبة يا خلق تاهت
إضحك في وشي لما تقابلني
و لا بآمن لك ولا بتآمن لي
و إللي بيننا بكش أونطة
و خيانة منك و غدر مني
الحياة بقت ساحة صراع
و بقينا أساتذة ف الخداع
و ربنا يديم بيننا الأونطة
خلينا عايشين زي الضباع
إللي جاي شبه إللي رايح
كله بيظبط مصالح
كله يدوب مستني غلطه
يبتدوا بيها الفضايح
هو فيه لسه حبايب ؟
هما مين الصحاب ولا القرايب ؟
حط لي يا عم شرطة
تحت أي مصيبة ورطة
و شوف لي مين سبب المتاعب ؟
و لا أقولك هو ده زمن العجايب
لم زعلك جوه شنطة
و سربه في أول محطة
و ارجع بشوقك الحبايب
و ربنا يديم الأونطة
التعليقات مغلقة.