رزمه وفكه بقلم الفـلاح الفصيح معـــوض حـلـمي عـلي منــــــشأة بطـــــــــــاش تمــي الأمـديد دقهلية

رزمه وفكه بقلم الفـلاح الفصيح معـــوض حـلـمي عـلي منــــــشأة بطـــــــــــاش تمــي الأمـديد دقهلية

كـرباج الخــوف بيسـوق
بيلسـوع ضـــهر الريـــح
طـوابير بتـلفـك طــــوق
مخــنوق عايـز تصــريح
الريح محـبوسه ف كمك
محـتاجـة لـدعــوة أمـك
دمـــك عــــايـز يتــــــلم
والهــم معـــبي عـروقـك
وفـاروقـك بـح خـــلاص
إخـلاص هـربت م الـويل
هاتشيل الشـيله لوحـــدك
وهاتمشي لوحدك ضــيف
هاتصـاحب حـر الصــيف
تخاطيف هاتحـس حـياه
المــــوت واخــــدك ويـاه
ومشيت تايه مارجعـتـش
مازرعتش سجرة بإسـمك
ولا جســمك نام دفــــيان
عـــريان الــروح بيضـــيع
وبيـجـبر ع التـطــبـــــــيع
ممــنوع تنــده ياضــمــير
عصـافــير البــطن مـناجل
وبتنـشر خــبرك عـــاجــل
وتســن ســـــنان الجـــوع
مفجوع مش عايزك تشبع
ولايســـمع مـــنك صــوت
التوت مزروع ف غيطانك
وحصـادوا بيـملى بطونهم
فازاي هاتمــــــد لســـــانك
تلحس من قـــشرة تيــنهم
ودواعي الخــــوف سجـانك
وبراحــك عـــاد زنازينــهم
حالبيـنك رزمـــــه وفـــكـه
تجـــار حافـــــظـين السكه
هاتبــــيع الــــدار والــدكـه
وعيالك ف السوق عارضينهم
وانت مفـلس جـيبك فـاضي
والقـاضي بيحــكم بالأوراق
مشتاق للكـــوشه ومتحني
مستني الشمس تدافع عـنك
وتدلي خيوطها تدفي عينيك
وتمــد إيديـك فـي فضـاك
تصـــــــــــبح جـناحـــــــات
وإن تعلب فات على ديلك
هايجيلك نوم إزاي في الطل
وإن طـل الحلم وقالك خير
هتلاقي الخفافيش بصولك
فاوعاك تنسى البخت الطين
هايجيلك خير إزاي ياحزين
وانت اللي بترهن محصولك