رسمتك …. بقلم محمد سيوفى
رسمتك في الخيال فرحه
أميرة جميله بالطرحه
رسمتك حلم بيداوي
أوجاع سنين كانت جارحه
رسمتك فوق عيوني رموش
تغسل دموعي مايبانوش
وتصد عني غزو الحزن
ولو زاحف عليا جيوش
يا قلبي يا عمري وسنيني
رسمتك شوقي وحنيني
رسمتك بسمتي في الصعب
ونور واضح على جبيني
رسمتك جوه قلبي سنين
سلطانة لدولة العاشقين
وأنا الحاكم بأمر الحب
وبيننا غرام يا نور العين
رسمتك قصة ورواية
أميرة للحب وضحايا
وأنا الفارس على حصاني
بقيتي أسيره لهوايا
التعليقات مغلقة.