رصيف العشق ..شعر.. شيماء عادل
مش بالكلام
نقدر علي امر الهوي
ولا عمر كان
الصبر للعاشقين
القلب راسب
ف اختباره من سنين
وضلوعي رافضة للفراق
وان كات عيوني
بتعشق الناي الحزين
وبتبني فوق رصيف العشق
صبر فوق عمر السنين
مش محتمل يرجع زمان
ولا محتمل نرجع
نمد ايدينا من تاني لسلام
اوتار عيوني السهرانين
بيسلموا
عاشقين ليالي من الوجع
تبني حكايات
طب قولي مين
وقت الحنين
هيمد ايده
وينده العمر إللي فات
مين فينا هيلم الوجع
ويضم ساعة لهفته
كده من سكات
لملم بواقي العمر
وان ضل الحنين
العطشانين للفرح
بيموتو فى سكات
الصبر مش للعاشقين
القلب لو صابر سنين كداب
مين دل قلبي
على الهوي غيرك
ايام لقانا والفرح مكتوب
التعليقات مغلقة.