“رغي الدم” بقلم الشاعر/محمد الشناوي الشيوي
وقريت في الوقت
إن أنا سدقت
لا أنا طهآن مني ولا بإيدي
ولا حاسس شيئ
جوه وريدي غير رغي الدم
مع إن قوالته بصوت عالي
عامل اطرش ولا على بالي
وأهوبالي يعاند
في سؤالي
والحيره ملت من الحيره
و وريدي يقول فضوها سيره
وسؤالي الملهوف لإجابه
عنها انا فلقت
ياسنين وخدانا معاكي لفين
ولفين رايحين
هنراجع صور البنآدمين
وهناخد منهم اظرفها
ياه على الدنيا
وعلى اشرافها
مبقوش اشراف
بقي أجعص واحد منيهم
في الحق يخاف
فبيحبس قوله
في مليون شق
بقي عز الكذبه في قوله
بلاد
حتى انا دلوقت
سدقت الوقت
إن إنا صادق في القول
جدا. مبسدقنيش
وهوايا ماليش
حتى إسمي
وفاكر منه مفيش
يمكن هقابلني برده صدف
يمكن في حضوري
ألقاني مجيش
إذاي راح أعيش
وأنا نصي هناك
والنص التاني مع الدراويش
هوه انا ميت
ولأ انا صاحي
خايف أقرب منه لأدايقه
ياسنين وإن كان
إسمي ناسيني
فزإزاي أفتكره
وأمشيني في غروب الوقت
التعليقات مغلقة.