رمضان كريم بقلم الكاتب محمد عباس – الاسماعيليه
ناسج شباك العنكبوت
ضلاية فوق خد القمر
رافع سنابل فين تفوت
طول النهار ليلي سهر
بين الصبايا روح سكوت
شوق الحبيب بدر وقدر
شايف عيون تحت الرماد
اطلالة خطت فوق بشر
وكاسات دموع تملي النجوع
من مدة والحاله كدر
حالف لشوف الحلم توب
مخزول علي ضي القمر
ومهما كان العسر صوت
لابد بعد الصبر جبر
ومهما طال زمن السكوت
هيجي بعد الضنك بدر
هو جاي من دنيا تانيه
جاي رايح ده في ثانية
والا عارف بكرة فانية
وانه رايح دنيا تانيه
اصله فوق الخلق ديه
شد حيله شال قضيه
قال سيبوني افك ديه
مية مية وتمثيلية
والولاد فاهمه القضيه
وانه بين الخلق مية
والحيطان صلبه وعتيه
والبيبان مبقتش هيه
اب ام في مسرحيه
مين يقرض علي المهيه
مين اللي فات ملهش ديه
فين امال زكي وزكيه
سيبوا دعوة روح نديه
قولوا كلمة تكون وفيه
جبر خاطر ليك وليه
املي دون دي القضيه
في كتاب مليان عصية
اوثواب هيعود عليه
جربت في مرة تدعي
والدعوة تكون مجابة
حاولت تقول وتبكي
للناس وفي العبادة
مين في حياته فاضي
علي البطلان تغاضي
مين عابش وراضي
مين عامل قواضي
يادنيا وناس بتشقي
في الغربة وجوا نادي
يارب صون واحمي
اهلي و بلدي وولادي
واحفظ شمل الايادي
وابعد عنا الاعادي
ويهل رمضان علينا
سهرات والصحبه زينه
لاذان الفجر جينا
رافعين ايدنا ودعينا
رمضان يجمعنا رحمه
تراويح وناس وزحمه
وفانوس في كل ناحيه
وحوي وخضار ولحمه
والخير لبلادنا زايد
رغم كل المكايد
جزاء ثمار وعايد
بايدين تبني وتايد
قران صيام سجود
احمد ربك وفوت
وقول بعلو صوتك
نويت ارجع و اتوب
من شر كل الذنوب
واسلك كل الدروب
مابين شروق غروب
دعوة لكل الكروب .
التعليقات مغلقة.