رنّ عَلَيَّا…شعر غنائي گلمات أشرف يوسف

رنّ عَلَيَّا…شعر غنائي گلمات أشرف يوسف

گده مره واحده تغيب عني
و تُرُوحْ فاصل؟

ولا رَنَّه منك أسمعها
ولا نتواصل؟

ولا گلمه حتى فى رساله؟
ولا رد يجي ولا إِوَالَه؟
وانا اللي طول عمرى بنادي
عليك و اقول يَلَّا تعالى

حبيبي لو زعلان مني
قول بينا عتاب

مش مره واحده تُرُوحْ قافل
فى ثواني الباب

قَدَّر ظروفي وِخُدّ وِدِّي
وِفْ گل شئ إكسب وِدِّي
ماتسيبش فجأه دموع عيني
تنزل في بُعْدَك علي خَدِّي

وِاقْبَل ياروح قلبي ف حُبَّك
كل الأعذار

ما انا قبل ما تلومني ادِّيتَك
ولا ميت إنذار

قوام نسيت كل عَمَايْلَكْ؟!!!
وبقيت ما تبعتش رَسَايْلَكْ؟!!!
حقك عَلَيَّا هَرِنْ عليك
و ياريت ما تِقْفِلْشْ مُوبَايْلَكْ
وياريت ما تِقْفِلْشْ مُوبَايْلَكْ
الخميس بتاريخ ٢٠٢٢/١/١٣م
بقلم الشاعر : أشرف يوسف
من ديوان : حكاية حب