روح ملاك بقلم الشاعر / محمود فوده
لو كنتي روحك روح ملاك
فانا عنتره لو حتى سيفي من ورق
لو كنتي فكره ان الهوى مخلوق عشان
انا انول رضاك
من غير حبيب الحب عمره مكان دوا
ولا عمره كان يوم يتخلق
انا فيَّا إحساس الطيابه
بالفطره عيشت من الأساس
فيها واد جدع
وغزلت من غدر السنين توبه المحبه
لو حتى كان قلبي اتوجع
انا مش هقول ان الكلام ممكن يعبر
لحظه عني
او حتى اقول انك في يوم فكرتي
مره تشيلي همي
ياما كنت أشقى في صهد حرك
وجبيني يتحنى بعرق
أنا واد صحيح على قد حالي
ما بقولش مالي وعزوتي
ولا كنت واد هلفوت وعاش
عالأهل عاله
والناس دي عارف وع الملأ
يمكن بسيط الأكل عادي فول مدمس
به واغمس كم رغيف بيسدوا جوعي
علشان أعيش
فمتضحكيش عاللي جيوبه مأشفره
العيشه مش حبة فلوس على كام عماره وفشخره
العيشه مش بالمنظره ياما فيها ناس كانت ملوك فين هما فين
عملوا قصورهم مقبره
فبلاش تقكري إنها ساعة هنا
وساعة رضا والعيشه آخر سيطره
دلوقتى مين فيها اللي عاش
وقال دي دايمه وسكره
كل الحياه دي في كلمتين
يا إما ترضى تعيش سعيد
ترضي بقليلك لو كان مفيش
ياما تبقى تعيس في دنيا
وقحه ودايما مُقهره
بتصاحب اللي ملوش أمان
وتدوس على اللي معاها صان
وتآنس الخاين مادام
جعلت حياته مسخره
العيشه بالإحساس تعيشي
زي الملاك ع الأرض مغرم ب السما
زي الحبيب وقت الغرام سهران
وعاشق ملهمه
إحساس بيملك قلب حبه
وروحه ليه دي مِسلّمه
فبلاش يوزك يوم شيطانك
وتقولي مين هيعيش مكانك
لو كنت حبيت قلب قادر
هقوله لأ بلاش تكابر
وإزلم لسانك واربط لجامك
دا العفو عند المقدره
سيبك انتى بس من الكلام
ومن الخصام
انا قلبي لسه بيعشقك
حالف يعيش
لو حتى كان ايام زمان عمره إتسرق
بس الحكايه اني مليش
في الدنيا حد غيرك انتى كان
بإيديه بيسمح دمعتي
قبل اما اشوفها بتتخنق
عودت قلبي اني اكون انسان
طبيعة قلبه هو واهب الحب بحنان
لو اعيش عليها وحيد
ما بين الناس علامه
ولحد اخر يوم في عمري
وبقول لحد يوم القيامة
عاشق جمالك من في مقامك
ربنا يزيدك امان ويزيد حنان
ويعدي بيك شط السلامه
ويعدي بيك شط السلامه
التعليقات مغلقة.