ريحة الورد … كلمات/ حسن أبوعرب
ولو كل البشر خانوا
على أصولهم ياواد بانوا
هيعزف قلبى كبيانوا
ويحلفلك يا روحى يمين
بأنى وحدى حبيتك
وجوه عنيا خبيتِك
مانا وطنِك وانا بيتك
وكيف انساكى وانا فاكرك
وكيف أقدر على هجرك
ياريحة الورد والحنه
يشُوفِك قلبى يتخيل
بنسمه رقيقه بتميل
على الورد اللى بيقَيِّل
تعود له الرُوح ويتشكل
بعطر ولُون من الجنه
يا أجمل صوت وله رَنه
حياة القلب نبضاته
وقلبي آماله منياته
يشوف قلبك
سعيد دايما بيتهنى
التعليقات مغلقة.