ريهام بنتي…گلمات أشرف يوسف
دي روحي وعمري وحياتي
وأجمل حاجه فى حياتي
بضحگتها و فرحتها
بتسعد گل أوقاتي
أقوم علي حس ضحگتها
وهيا بشوق مقابلاني
و طول ما انا ماشي
تشاغلني
وصوتها يغني في وداني
تقول بابا تدوب روحي
ياروحي وصوتها يحلالي
ياريت أسمعها ميت مره
وگام مليون تقولهالي
في خفة دمها قلبي
يدوب و يحس بالفرحه
واقول إمتي دي معقوله
أعيش وأشوفها بالطرحه؟!!!
تقوللي يا بابا يا حبيبي
أنا أشرف على صغير
عشان شبهي تتوه الناس
و بيني و بينها تتحير!!!
في دقة قلبي دقاتها
تدوب وأحسها واحده
واموت لو يوم تغيب عني
واعيش من غيرها في
الوحده
هواها بيجري في وريدي
ويوصل قلبي في ثواني
وأجمل فرحه في الدنيا
بتبقي معاها وخداني
واقول يا ريهام ياروح بابا
يا أجمل حاجه فى الدنيا
تعيشي و يسعدك ربي
وما تفارقيني ولا ثانيه
الأربعاء بتاريخ ٢٠٢١/١٢/٢٩م
بقلم الشاعر : أشرف يوسف
من ديوان : شاعر و مشاعر
التعليقات مغلقة.