رَسَمْتْني ضحكه …بقلم شيماء عادل
رَسَمْتْني ضحكه
بين السطور فدادين
معجونه بالفرحه
بعد الفراق بسنين
غزلت من قلبي
ساعه صفا بينا
منقوشه بالحنا
يا ابو قلب لو يقسي
طب قلب مين هيلين
مديت بعيني للسما ادعي
تزيد ف قلبي فرحتي بلقاك
الدمعه تشبه المطر لما
تروى الغيطان
والفرحة جوه القلب تتعشم
تصبح قصيده
تتقرا ف ندوات
رسمتني جواك
و الرسمه كبرت
وقت لما السما
فتحت بيبانها لفرحتي
والنور فرشلي السكة من تاني
كل الخيوط اتشبكت فرحة
مسكت بحب ايديا من تاني
التعليقات مغلقة.