رُب ضارة نافعه … بقلم محمد سيوفى
هرب الفرس من صاحبه
وكان متعلق بيه
جت الجيران بتصاحبه
في حزنه وتواسيه
إبتسم صاحبنا وقال
العلم عند الله
ده كل شيء له مآل
قدر ولازم نلقاه
عدى اليوم بنهاره
والخيل حضر بخيول
تايهه ساحبها لداره
وده أكبر دليل عالقول
حضر الجيران بسعاده
تباركله وتهنيه
رد بحكمته كالعاده
الخير هو يعلم بيه
وكان عنده إبن وحيد
يراعي بهمه الخيل
وعشان كان إسمه سعيد
قدمه إتكسر في الليل
راحت الجيران علطول
تزوره تقوم بأصول
والكل كان بيقول
يا حزن يا خساره
ضحك الراجل و إبتسم
وبدون زعل ولا ندم
شكر الإله عالنعم
والنفع م الضاره
تاني يوم تقوم ضدهم
حرب بنار وحديد
وماتو الشباب كلهم
في الحرب إلا سعيد
الحكمه في إللي إتقال
مش كل بلوة مصيبه
ومن رحم الموت يا خال
تتولد حياه قريبه
والحزن مش بيداوي
ولا يوم بيشفي جراح
والحكمه لابد منها
في الشده والأفراح
التعليقات مغلقة.