” رُونزا ” بقلم رضا أبو الغيط من ديوان أسماء
رُونزا
زهرة
فتحت فوق الجبال
من جمالها
بُعدى عنها شيئ محال
رُونزا قلب
لسه نونو
بين ضلوع أجمل غزال
لو تشوفها
وللا تلمح مرة طيفها
تلقى نفسك
جوه بستان الخيال
رُونزا لما
تبقى جنبى
لون حياتى
يبقى بمبى
من جمالها والدلال
لجل رُونزا
باانسى نفسى
والمشاكل والهموم
وأبقى ليها
نور عينيها
والسعاده اللى تدوم
وأبقى مَرسى
عندى ترسى
رُونزا ومعاها الأمال
مش هقولك
عن طيبتها
والتواضع بين عيلتها
رُونزا
لو هتجيب سيرتها
تلقى قلبك ليها مال
زى قلبى
والقلوب العاشقين
زى عينى
والعيون المشتاقين
تملا رُونزا
كاس هواهم
بالمحبه والحنين
والأمانى اللى ما تعرف
شيئ محال
رونزا آيه للتفاؤل
ف المعارك والنضال
رونزا اكسير السعادة
والريادة والجمال
للى نفسه يدوق هواها
أو يطولها ف الحلال
التعليقات مغلقة.