زمانك شاب…كلمات الشاعر محمد الشناوي الشيوي
زمانك شاب
فشوفلك من
صبا قولك
براري لعمر
يستهلك
واجعل دموعك
مطر
تروي العطش
بحساب
وهات من صبح
عدي
ضحكه فروضها
ثواب
أنا ال شلت الصبح
برموشي
وشفت الشمس
بتصلي
فكملت الصفوف
تسليم
أنا أل الآهه جوايا
تناجي رب بيا
عليم
أنا ال غرقت في
أفكاري
وكان يم الظنون
قاسي
أنا ناسي معالم فيا
حبتني
وشلت عيوني من
وشي
وعبتهم آمال
ورضيت
أنا ال الوحده
زلتني
وبرتاح جوا حضن
الغيط
لاعاد الغيط بيشبهني
وقال إني ماليش
عازه
وأنا قطوفي معاه
بالكوم
أنا ال ساقتني
أيامي
أشوف الحلم قبل
النوم
أنا القائل لقول
الحق والصايم
أنا الواقف في
وش الريح
أنا المكتوب
علي عيدان الندي
تسابيح
همومي تصيح
تفزعني
وأنا الأخرس
فكيف أفرح
وصوت الفرح مش
سامعه
أنا المولود علي
جناحي
تاخدني دنيتي
مني
أنا ال الشوق
يراوضني
أخاف إني أهاودني
أبات سهران علي
دمعه
سبوعي كان في
ضوء شمعه
وعليتك وكبرتك
وحصنتك من العله
أعيش الوهم
أفرحبي
وجوه همي أتدلي
فكيف ياعمر عدتني
علي وهني بتتسلي
فخدني للأمل
عكاز
ونام في ملاحي
واتغطي
وقابل بكره وادعلي
يهون ليلي
علي روحي الزنوب
حطه
التعليقات مغلقة.