زهدت الشعر…بقلم عبير عبدالمنعم
زهدت الشعر…
عشان أبتر ملهوش ايدين
يحوش بيها
كرابيج القلق والقهر
ويعجن بيها احلامنا
ويخبزها في فرن الدهر
زهدت الشعر
عشان الشعر مش لقمة تسد الجوع
ؤلا هدمه تداري الضهر
عشان مش ضحكه ملهوفة بتمحي الدمع
ولا زغرودة بلقاها في حلق الشمع
زهدت الشعر من همي
خياله زي لبلابة وكاسرة الشيش
بيمسك إيدي مغصوبة؛ مبيشوفنيش
بيكتب من سكات وجعي ميرحمنيش
بيتسرسب في جوا الروح كما النعناع
وبهدا واروح…
ف روحه الدايخه جوايا
بنمسك كل شيء تايه في دم القول
بقوله زهدتك اتركني
يوشوشني هواه ويقول
زهدتي الشعر؟
الملم كل غضبي واقيس
مساحته جوا اضلاعي
بلاقي الشعر جنين طاغي
وحافظ كل أطباعي في دفتر شعر..
ف بسأل نفسي مية مرة
زهدتي الشعر؟؟
التعليقات مغلقة.