زوجه مشغوله مونولوج فكاهي كلمات : أشرف يوسف
أقول يا حبيبتي الاقيگي
فى ستين حاجه ملبوخه
وتبقى تمللي مش شايفه
وقافله عنيگي م الدوخه
شويه تقولي يا دماغي
شويه تقولى يا مفاصلي
و لو حسيتي بوجودي
تعودي و ترجعي تواصلي
فوئيلي شويه من فضلك
ياه‍رياني غسيل و طبيخ
ولمي الدور عشان خاطري
لا اروح رزعك عشر
صواريخ
و اريح قلبي من لتك
و حركاتك مع النسوان
واجيب واحده أنا بدالك
خفيفة الدم من أسوان
تبربش ه‍يا بعنيه‍ا
و ادوب في ثواني قدامه‍ا
و لو شاورتلي بإيديه‍ا
أقول ان شالله ما اعدمه‍ا
و خليگي گده دايما
براحتك زي ما تحبي
و مش عايزك تقولي الفار
بيلعب وقتها ف عبي
عشان شاعر وقلبي حنون
يا دنيا معايا لبختي
قلوب من نظره تته‍نى
لكن فيگي مايل بختي
ما عدش ورانا غير الأگل
في الدنيا وحاجات من دي
و شغلاني بأفلامك
في يوم ترگي و يوم ه‍ندي
گلام الحب بقى فاضي
و حرقة قلبي شئ عادي
و عامله حجة الأولاد
و دايما قاعده بتنادي
طب اعمل إيه أنا بشوقي
و دمي بيغلي في عروقي؟
حاجه من اتنين يا تنسيني
يا إما ترجعي تفوئي
گلامي بقوله من قلبي
لزوجه تمللي مشغوله
و ملبوخه على عنيه‍ا
وواخده الدنيا بسه‍وله
لگن زوجتي بين الستات
بتطلع دايما الأولى
بتطلع
دايما الأولى
الأحد بتاريخ ٢٠٢١/١١/٢٨م
من ديوان إضحك گرگر
بقلم الشاعر أشرف يوسف
التعليقات مغلقة.