زي الشمس شعر / جيهان النجار
هاكتب لك لكن
لحظه
أخد نفسي
والم الشوق
واخش الصبح
من بابه
وارد الماضي لاصحابه
ماتنساش
ان ديه حقوق
لكن من ناحية
الفكرة
اللقا مكتوب
ولو ع المعنى ياحبيبي
دباديب حمرا ٠٠٠ جنب قلوب
سهر للصبح
ويابخت اللي
بات مغلوب
لأن المعنى
زي الشمس
رغم انه
مافيهشي
غروب
يااااا اخي
بطل بقى استعباط
بقى مانتاش
عارف يعني
انه بيننا رباط
بقي مانتاش شايف ف عينيا
ايها شوق
ولاحتي
بواقي عياط ؟
أقول لك ايه ؟
دا إحساس الهوى نعمة
وكلمة حب
بتخلي
الحياه طعمة
أنا باستطعم
الدنيا مادام
بهواك …..
عايشه بس باستناك
ياخي بالله عليك تيجي
وهات لي باقي
عمري معاك
التعليقات مغلقة.