زي ما تيجي بقلم / أيمن رضوان
كُــتْرِ الهـم واجــع قلبي الصـبي
نهاري مكسـور والنوم دا سراب
يبقـى لـيه الحـزن وإيه مكـسبي
وليـه نعيـشها نكـد بلاها عـذاب
مِ السَّعَادِي هضربها الدنيا صَرْمَةْ
ضحـكانه جاتني أو بَيَّنَتْ أنياب
وإيـه فيـها يسـتاهل مني دمعة
واحدة النهاية مِتْعددة الأسبـاب
وزي متيجـي يادنـيا هضـحكلك
قاريكي من زمن حـدوته فِكْتَابْ
سَطْـرِ فيه الفـرح والتـاني كَــنُّو
غَطِــيسْ في ليل سواد كَـغْرَابْ
شاريكي هو اللي ديما خســران
كسـبان دا اللي عن هــواكِ تاب
يعني الحـسبة فيـكي معلـومة
غـدارة مفهومة ومصدقك مِنْصَابْ
التعليقات مغلقة.